Duyan Mancimpua

Babahaso Tolu itoh yo sanak, colak-colak gonti asah sakedar mangona kampuang tamasuak mangona bahaso leluhur itoh basamo nan magoku ughang tolu tarutamo bagi dunsanak nan lah lamo iduik manotap dipaghantauan apolagi cucu kamanakan nan godang jo lahia di tanah ghantau.

Montunlah, iko lai caito tontang kuok jo duyan mancimpua :

Barmulo suatu katiko ditongah malam kolam sipek ujan maghobeh lo sajak sonjo locik silongiang, si bujang poman bakumpua dengan kangkawan’e sapamainan disuduik dapua umah amai saikam nan talotak dilombah polak kopi.

Kebetulan lai duyan jatuah dibalakang umah amai Saikam,  jadi malam ro amai Saikam mamelok sonok duyan mancimpua  nan jatuah dioyak simpai, sambia minum kopi ontak jo makan sonok tambah baampuah lah ota papaja ro mulai daghi caito baronggeng jo ughang manjadi sudah bakujuik sampai caito si darul disongek kangkalang wakotu mandehe di suak2 topi bonda sawah alai. Disongek kangkalang ru iyo bona ndo tangguang sakik ‘e doh mandonyuik sampai ka ubun2 kapalo tapi ubek’e mughah na nyoh disigham dengan ayia konciang.

Dipasingkek caito, dek aghi batambah malam juo nan si darul olah manguok bakapanjangan kok kuok darul ka disobuik sabona godang ngango’e bontuak ghimau nak manangkok kambiang, mako sadang asyik maota ilia mudiak bagalau ndo tontu ujuang jo pangka tibo teh nyoh amai saikam sambia mangecek “Hoi papaja … ndo tadonga dek lian inyiak (ghimau) mangungkuang jak cako”. Mandonga kecek nek saikam ro abih togak teh nyoh bulu ghomang papaja ro dek katakuik-an, kasudahan’e ndo teh lai nan duduak basanda di dindiang laghi katongah bapusun pusun diateh lapiak pandan bakalumun kain saghuang sunsughang.

Wassalam : Sidaih Poman
—————————————————————————————————————————————————-

CATATAN :
Kuok        =  rasa mengantuk dengan gerakan membuka mulut
duyan mancimpua =  buah durian yang belum matang
Kolam sipek = gelap gulita
Maghobeh  = gerimis
Locik silongiang = bunyi
sejenis kumbang diwaktu maghrib
Kakngkawan = sahabat,
kawan-kawan
Mamelok sonok  = membuat kolak
dioyak =  digoyang, diruntuhkan,
Simpai = monyet berekor panjang dan berbulu kuning
Baampuah = seru, berdiskusi
dengan penuh semangat
Barongge

ng = berjoget, tarian
tradisional talu diiringi biola dan gendang
Ughang manjadi = orang
jadi2an, siluman
Bakujuik = gantung diri
Disongek = disengat, dipatil
Kangkalang = ikan lele
Mandehe = menangkap ikan dengan tangan
Suak = kolam kecil
Bonda sawah =  selokan, irigasi sawah
Manguok = menarik nafas sambil membuka mulut (menganga) karena mengantuk
Ayia konciang = air seni
Ngango = nganga, membuka mulut
Ghimau = harimau
Lian = kamu sekalian
Amai = tante, mertua
Inyiak = kata ganti untuk
sebutan harimau
Mangungkuang = mengaum, suara harimau
Papaja = bocah, anak-anak
Ghomang = remang, bulu2 yang
tumbuh di tengkuk
Basanda = bersandar
Bapusun = duduk bergerombol
Bakalumun = menutup kepala
dan seluruh badan dengan kain sarung atau selimut
Saghuang = kain sarung
Sunsughang = sendirian, masing-masing
Diuluik-an = dipeluk, dikelonin, didekap
Lolok = tidur.

Reply