IDUIK DI KAMPUANG (poi kapasa)

BAHASO TALU – Pokan GHUBA’A
Poi kapasa teh sonta nyoh nye siDaihpoman, paliang indo beko taboli pucuak onau duo kobek, timakau pikumbuah agak satayia, okok panama sabungkuih, nak mamboli panggonti ghimbeh nan patah untuak malayau pamatang sawah iyo lo, kok indo lai beko moh ladiang kedong jadi jo teh pinomak.
Nan umak paja alias induak bogheh sabolun poi kapasa cako olah bakoghuik lo konianG’e dek tasobauk sobuak bona diagiah pitih balanjo, tapi ka diponga-an teh nye sanak pitih du bona nan sayuik. Aghok dapek pitih daghi manjua gotah moh nan sapokan gho aghi ujan bakapanjangan jo kasudahan’e cuman duo aghi nyoh dapek manakiak tapi untuang jo lah lai gotah boku agak 4 kilo. Mongko nyehe pagi cako sambia mangaghutong : Kalau 60 puluah ibu piah nyoh bogha na teh ndo kacukuik pamboli minyak goreng jo gulo pasia doh pampaliang dapek mamboli lado jo gagham, baledang 3 ikua jo sa-onggok bada kaghasak. Biaso’e kalau kughang pitih balanjo dapek juo lah maanduak minyak goreng jo gulo dipasa ro tapi samo tau lah itoh lopau tompek maanduak lamo gho olah abih tabaka bontuak kayu mosiak di poghun.
Ontah lah sanak dighantau, montun teh paghosaian ami iduik di kampuang, lai nyoh takona bagai nak maghantau untuak maghubah nasib sadio’e tapi ndo lai nan bisa diasuang doh salain tulang nan ompek koghek jo nyoh – apo teh kadayo. Tibo di dunsanak nan basikola tenggi iyo lah bisa bakghojo sonang jadi pagawai tapi tibo di kami nan kojo tani dikampuang gho pampaliang sampai kalaih duo sempe nyoh malah lai pulo nan indo ponah makan sikola salain baghaja mangaji di sughau.
Mudah2an isuak gho kok tibo di anak/cucu kamanakan itoh di tolu banyak jolah nan bisa baghubah nasib’e sunsughang dibandiangkan kami nan basawah jo baladang, samo bakondak jo bado’a lah itoh bassamo ka nan kuaso, Amin… !.
Sakitu lah dulu sanak, talampau banyak na ba-caito batambah jauah lo pangona ro dek’e beko, yang namo’e sakik jo sonang iduik totap juo harus dijalani.
………….. Sabolun pulang daghi pasa bapantun lah sobuak lu :

tabaliak baliak mato tajak
tajak dibaok daghi poman
olah tabaliak mato mamak
mancoliak ulah kamanakan

batanam lado urang sinuruik
ditanam dokek pangka duyan
kok paguno mamak bajopuik
kok indo ogham ba acuahan…….. lanjuik !

Wassalam,
Dasril Alies Van siDaihpoman, Jakarta

Reply