Tikungan 2012

Ha….. Apo pulo Tikungan 2012 ….?

Kok sanak sanak ambo lai mambaco Tikungan 80 an yang lewat, itu hanyolah pengalaman ambo manyaksian sejarah yang tajadi  di kampuang. Agak paik sobuak….. tapi kok paik bona itu teh tando e ubek. Ubek mano teh lai yang manih… Yang manih gulo onau daghi Tinggam , tu ciek lai anak siapo ro ha… yang pandai managhi ro . Ha..ha.ha…


Nah…. Kini ambo ndok omuah lai hanyo manyaksian sejarah, kok dapek awak kan soto lo jadi Pelaku sejarah ro..ha.ha.ha. Tapi ka nan elok….! Kok potang ambo manulih Tikungan 80 an iyolah untuk Tolu (Kec.Talamau) kini ambo manulih untuak Nagoghi Sinughuik. Arti e Tikungan 2012 ko untuak Nagoghi  Sinughuik….ha..ha.

Memang harus wak agiah puji jo taghimokasi kapado Bp.Drs.Baharuddin.R(Bupati Pasaman) yang lah mambukak jalan daghi Lubuak Kopiang  lanteh ka Tolu,( Pasaman olun babagi ) Kalo ndok salah daghi perbatasan (Tonang Tolu) ka Lubuak  lah ba aspal kini. Tingga sabolah ka awak lai. Tapi yang  mulai dikaghojoan jalan daghi Gontiang madok ka Sungai Joniah.

Ambo batanyo tanyo dalam hati koma gak e jalan Lubuak kopiang- tolu ko lanteh e. soal e lai duo kamungkinan, bias ka Aia Angek, bias ka Sugai joniah.Kok kalua e ka Aia Angek tontu lah masuak juo ka Nagoghi Sinughuik , tatompuah juo Pasa Rang Talu. Oto daghi Lubuak Kopiang ka Pang Ompek  atau baliak e manompuah terminal Aia Tolang. Tapi ntah lah… jalan yang tembus e ka Aia Angek ro banyak nan lah ghuntuah banyak lo mandaki e. Olun ta usiak lai.

Ha…  nan sonang jalan tembus e iyo ka Sungai Joniah kalua ka Gontiang. Tapi ba a cagho e supayo tatompuah juo Terminal Pasa kitoh ko.. awak nak tetap maghamian Pasa. Comeh lo ambo sakali lai…

Comeh e iyo kok cigin lo oto daghi Pang Ompek nak ka Lubuak ro lewat Tikungan Gontiang atau baliak e daghi Lubuak nak ka Ujuang Gadiang bakelok di Tikungan Gontiang ndo ditompuah e Pasa Tolu. Kok iko nan ka tajadi tontu Sinughuik  ma ulang sejarah sakali lai.. ha… Tikungan 2012 lai. Tapi untuang lah kini sanak sanak banyak di ruangan iko. Ndok comeh bona ambo lai, ha..ha

Ciek lai, yang mangughangi comeh ambo Bp.Drs.Baharuddin.R.MM yang dulu Beliau nan mambukak jalan ro, kini  tapiliah lo jadi Bupati Pasaman Barat… ha ughang Sinughuik asli..

Ciek lai sanak. Kecek e… ughang Sinughuik…. Panughuik..!  Aghi Minggu potang Tgl.26 Sept.2010 ambo mangikuti Prosesi Adat daghi Mamak  tughun ka Kamanakan dalam Soko Dt.Majo Lelo kampuang Sianok yaitu “ Manjalang Mamak “ Silaturahmi aghi ghayo nan ka sakian kali e. Tiok taun ba laksanaan. Acara e masih asli……Tapi ba a kok cucu kamanakan Datuak nan lain di Sinughuik olun manighu olun manughuik lo. Ha..ha.ha….tapi panughuik.

Tapi bialah lu. Untuang untuang taun muko dapek kitoh pasamoan , kitoh kojo an supayo dapek

kitoh tingkek an manjadi “ Manjalang Mamak  daghi Datuak ka Pucuak Adaik” di Nagoghi Sinughuik. Ha… nan iko kojo boghek. Mudah mudahan di taun 2012 nan kecek e kiamaik katibo, Sinughuik malotak an batu partamo untuk kamajuan/pangombangan Adat di Nagoghi Sinughuik .Amin.

Kasudahan kato, kok lai dunsanak dunsanak  ambo yang agak tasingguang atau jadi pamikighan mangaduah pangona dunsanak, ambo mintak ma’af yang sadalam dalam e.(Ucok Talu)

Reply