Belajar Bahasa Talu : “Utak Nyolang Jo Utak Kantang” Bag. IV

JOPA Badongkun di Malam Perpisahan

Sapokan sasudah salosai ujian pangabisan dan olah jadi kabiasaan pulo satiok taun sikola sempe tolu mambuek acara perpisahan sakaligus tompek manyalurkan bakaik anak mughik sempe (kelas satu sampai kelas tigo) dibidang kasenian baik manyanyi, puisi, managhi atau di bidang akting sandiwara. Katiko anak sikola manyanyi atau managhi tarutamo anak2 pidusi kelas tigo olah mulai tampak bolang’e, mungkosuik’e katiko olah mamakai pakaian bebas (ndo seragam sikola) ditambah pulo jo dandanan ughang dewasa longkok dengan gincu sighau di bibia jo calak disuduik mato, Kalau olah bapanampilan condo ontun tanyato papaja remaja ABG ro olah baghubah manjadi anak gadih jolong godang dan olah patuik pulo balaki cagho saisuak, sainggo mambuek tambah mabuak pomle wa’e sunsughang bahkan bisa mambuek jakun pak guru playboy tughun naiak sampai tobik salegho bughuak ndo ubah bontuak lauak utiang makan anak.

Olah tibo katiko nan dijangko jo aghi nan ditontuan yaitu malam akaik mulai pukua 19.15 WIB, mako dimulailah acara “Malam Perpisahan Siswa Kelas III SMP Negeri Talu” di Gedung Pertemuan nan kinin banamo Gedung Anak Nagari, nampaklah gadih2 mudo ghancak atau anak sikola sempe mamakai baju bebas nan paliang mode sangkek itu, sadangkan anak laki2 olah pakai pantalon pulo kasado alahan’e. Nak agak lain daghi nan tasudah tontang pangaturan tompek duduak mughik padusi jo mughik laki2 dipisah sabolah kida jo sabolah kanan. Pamisahan tompek duduak ro supayo katiko acara bajalan mughik2 bisa taghotik dan papaja nan suko bagoluik ndo punyo kasempatan apolagi badongkun. Khusus untuak siswa berprestasi duduak dokek majelis guru2 sadangkan si Enti duduak pas dibulakang kughisi Ibuk Nelih sobab si enti jadi juara umum sempe sangkek itu.
Oh iyo, lai nan pagholu dia agiah tahu sobuak ka generasi mudo tolu jo sinuruik bahaso di dindiang pangguang gedung pertemuan Talu lai 2 (dua) buah lukisan godang talotak disabolah kida jo kanan tapampang lukisan Tuanku Imam Bonjol jo Pangeran Diponegoro sadang naiak kudo. Nan mabuek lukisan ro namo’e Boni ughang Baulak jo Abdul Rahman ughang tinggam nan dilukis ughang ro baduo sakitar taun 1960.

Singkek caito, topek pukua pukua 19.30 WIB dimulailah acara dengan mambacoan tertib acara dek protokol, nan partamo pidato pembukaan dan laporan Adhi Pramanta sabagai katua Panitia, lanjuik pulo sambutan wakil ghangtuo mughik nan tomaik dan panutuik sambutan jo pangarahan daghi Kapalo Sikola sempe Tolu. Sasudah itu dimulailah acara hiburan dengan Sandiwara 2 (duo) babak bajudul “Anak Bangsa” nan diawali jo paduan suara kelas 3 dengan logu “Nyiur Melambai jo logu Rang Talu”, sasudah itu lanjuik pulo paduan suara gabungan kelas 1 jo kelas 2 dengan logu “Tanah Airku jo logu Batang Sinuruik” dana disudahi jo paduan suara pak guru jo ibuk guru. Sandiwara Anak Bangsa disolo dengan manyanyi jo managhi mocam2 antagho lain taghi pighiang pakai lilin jo taghi galombang pakai sewa galembong. Salain itu lai pulo baco puisi samo acara penyerahan piagam siswa berprestasi rangking 1 sampai 3.

Dalam pado itu, katiko acara sandiwara dengan palaku utamo si Utam j(Rustam) jo si Moni (Murni) sadang bajalan kigho’e si jopa olah ghosah lamo mananti si enti di suduik goduang bagian balakang dokek ughang bajaga kacang goreng barondom, istilah’e papaja ro nak badongkun cagho saisuak. Maklumlah kalau didalam goduang ndo ka bisa doh sobab tompek mughik padusi jo mughik laki2 nan tapisah apolagi si Enti duduak ndo jauah daghi ibuk guru Nelih yang kito tau adolah ibu kanduang dek si enti. Sabona’e si enti juo ghosah bakalesong duduak dokek ibuk wa’e bontuak kambiang dek ulek sobab takona jonji dengan si jopa, samo maklumlah itoh bahaso papaja nan baduo ro memang sadang dimabuak cinto boghuak alias cinto monyet.
Panjang juo aka si enti, sambia babisiak katalingo ibuk nelih disampaian lah bahaso wa’e nak poi mamboli kacang goreng sabonta kalua goduang padohal sabona’e nak badongkun dengan si jopa. Sabolun basuo dengan si jopa talobiah dulu si enti mamboli kacang goreng duo tungkuih kaghoteh saklaian gulo2 karet untuak dimakan baduo.
Dulu, papaja badongkun pampaliang pakai sughek2an nan disolek-an dalam buku palajaran pomle sunsughang, kok indo duduak badokek sambia minum ayia sitorop saboto baduo sakalian makan bubua samba jo kupuak lepoh di kantin sikola, sobab sangkek itu olun lai anak sempe nan punyo hape condo maso kinin. Tapi lain dengan paghangai si jopa nan ocok manonton pilem remaja wakotu sikola di padang, sadangkan di tolu pampaliang ughang manonton pilem layar tancap dengan caito untuak sagalo umua saghoman pilem lawak Benyamin S atau pilem Edi Sud.

Babaliak caito ka si jopa jo si enti nan sadang asyik badongkun di tompek kolam, mulo2 cuman maota tontang koma ka malanjuikan sikola sasudah tomaik sempe tolu sambia mangulum gulo2 karet di muncuang, olah ontun ba-tuka2 permen nan olah dimakan tapi ujuang2’e makan permen baduo ro sampai ampia baghadu bibia masiang2. Kalau soal idu maidu pipi salamo gho ponah juo apabilo lai kasempatan, nan ocok katiko ughang latihan persiapan acara perpisahan di sikola nan kangkadang sampai sonjo ghayo baghu salosai.
Nan sakali gho, ontah setan apo nan masuak ka utak busuak si jopa tapi dalam pikighan wa’e hanyo sakedar mambuek kenangan nan bakosan sobab sapokan lai ka bapisah dek kaghono si enti kamasuak sikola parawat bidan di bukik tenggi sadangkan si jopa totap sikola di tolu masuak sikola SMK nan baghu tabukak di jalan ka ayia angek sabolun jambatan sianok. Montun teh, ndo miang dikatoghi tibo2 si Jopa manyosoh bibia si Enti alias mancipok bontuak nan ponah diliek wa’e wakotu manonton pilem sabolun pindah ka kampuang lombah polak daghi padang. Tontu apo nan dikaghojoan dek si jopa galesek ro, mambuek si Enti takasima apolagi pangalaman partamo nan indo ponah tabayang sobuak tido sabolun’e. Walaupun pangalaman partamo tapi nan si jopa jo si enti agak lamo lamo juo bacipok sambia bapoluak basanda didindiang goduang. Kajadian ro baghu baghonti dek tasobauk si enti ghungkungan wa’e tacokiak dek talulua permen karet sagodang ampu tangan nan sadang dimakan’e.
Sasudah kajadian ro baghulah sadar si enti apo nan olah dikaghojoan si jopa ka bibia wa’e nan bagincu, sambia manangih antagho takinyam jo beghang ka si jopa tapi dek lobiah banyak ghaso beghang mako ndo di songko sabolun’e si Enti lansuang malompang pipi si jopa sakuaik tanago, olah ontun ndo malengoh kabulakang si enti lansuang masuak ka dalam goduang baliak sampai lupo mambaok kacang goreng nan sadio’e untuak ka dimakan baduo dengan buk nelih. Tinggalah si jopa tapongau sambia mangusuak pipi nan konai lompang dek si enti kasayangan wa’e, takona pulo dalam pikighan si jopa parasaan takuik si Enti indo ondak bakawan lai bahkan ndo sudi basuo jo manyapo bagai. …Ontahlah sabona nyanyuak pikighan si Jopa maso itu.
Dunsanak sado’e, kok ba’a teh kalanjutan caito si jopa jo si entin sasudah acara perpisahan malam akaik nampak’e tapaso basoba sampai pokan muko, jadi sambuangan’e ro samo2 kitoh nantian molah di status BAHASO TALU- Pokan Ghuba’a, Insya Allah….!

Jakarta, 15 Feb. 2012
Dasril Alies (siDaihpoman)

Kamus Bahasa Talu :
———————————————————
panggaya = suka bergaya, suka pamer ; sempe = SMP ; manangguak = mencari ikan;
tangguak = alat penangkap ikan terbuat dari jaring dan dibingkai secara melingkar ;
mambaliak = membalik atau membenamkan rumput sawah kedalam lumpur ;
mancokok = menangkap dgn cara menelungkupkan telapak tangan ;
taghesek, = kena raba, ghesek = meraba ; mandehe = menangkap ikan  dgn tangan ;
tapokiak = terpekik, menjerit ; maoghang = menangis kesakitan ; wa’ang = kamu ;
pantak = benda yg runcing ; songek = patil ; kangkalang = sejenis ikan lele ;
aghiang = bau pesing, bau air kencing ; jaga = kata ganti atau sebutan utk kemaluan ;
lesuik = menyusut ; bakoghuik = berkerut ; mangangkuih = ampuh, mujarab ;
takapila = ngawur, tdk jelas ujung pangkalnya ; golak bakulum = terseyum simpul ;
mugoghik = waktu maghrib ; tekong = takaran beras terbuat dari kaleng susu cair ;
cucuak = tusuk ; paotua = alat utk merajut/penusuk ; di salai = dipanaskan di atas api ;
di diang = dipanaskan dekat api atau disamping api nyala ; mosiak = kering ;
dighameh = diremas ; kopi daun = kahwa, bubuk minuman terbuat dari daun kopi ;
mada = bebal, susah diaja, agak bodoh ; locik = pecut, dilocik = dipecut ;
kaji = pelajaran mengaji ; libeh = libas ; manyinga = terasa panas seprti kena cabe ;
beghang = marah ; pomle = pacar, pujaan hati ; sitereng = streng, ketat, disiplin ;
koteh / kaghoteh = kertas ; bakutiak = berkutik, ndo bakuitak = tdk bisa berbuat apa2 ;
gincu = lipstick ; sighau = merah menyala, sighah = merah ; ghutiang = ikan gabus ;
dijangko = diperkirakan, dijadwalkan ;  pantalon = celana panjang ;
galembong = celana longgar berwarna hitam ; kacang goreng = kacang garing ;
barndom = berendam, biasanya kacang tanah sebelum digaringkan direndam dulu ;
tungkuih = pembungkus dari kertas ataudaun ; baghadu = ber-adu, bersentuhan ;
manyosoh = merangsek, menyerang ; mancipok = mencium bibir; galesek = reseh, usil
ghangkungan = kerongkongan ; nyayuak = mumet ; malompang = menampar

Belajar Bahasa Talu : “Utak Nyolang Jo Utak Kantang” Bag. I

Sakapua sighiah,
Dunsanak jo simpatisan Rang Talu sado alahan’e, Sabolun caito ka dimulai nan partamo dimintaklah mo’oh talobiah dulu daghi sidaihpoman nan punyo caito. Tontuan teh, sapitau didalam caito nan ditulih lai namo jo gola nan saghoman, tompek nan samo – ogham tolak olah indo lai sobuak tido doh pangona basingajo salain kabotulan, sobab apo nan dicaito-an cuman sakada angan2 atau khayalan panulih samato nan dalam istilah tulih manulih disobuik caito fiktif atau rekayasa.

Sapinteh Lata Belakang

Bamulo caito daghi Niak Toman dikampuang Lombah Polak tapi namo baliau nan sabona’e “Norman” batambah dengan “Sati” dibalakang namo’e, jadi namo longkok di kaghotu panduduak tatulih Norman Sati. Ba’a lo mangko baimbuah kato sati dek kaghono ughang’e salain bagak, pandeka silek tuo, basaghoto lo soti alias ndo menpan konai pakuak ladiang atau konai tusuak pisau balati, Konon koba’e tabotiak tabaghito daghi ughang tuo2 dizaman peri-peri (PRRI) dulu sakitar taun 1958 -1960 niak toman soto ka ghimbo anang untuak mangungsi dek di koja2 tantaha pusek (APRI) nan masuak mandaghek malalui pantai Sasak toghuih ka kampuang itoh nan banamo nagori Tolu jo Sinuruik. Ba’a mangko ka tolu tujuan tantaha ro dek tasobauk di tolu adolah markas patahanan pambaghontak nan dipimpin tokoh peri2 sangkek itu kalau indo salah  Kolonel Achmad Husen jo Azwar Tongtong, tapi ndo lai hubungan tali daghah bagai doh apolagi badunsanak dengan Ayu Tingting panyanyi dangdhut kinin nan tamusohua jo logu Alamaik Palosu. Nan joleh kaduo’e sampai TALU-ncua babini dengan ughang tolu.

Baliak caito ka Niak Toman, ponah sakali di tongah malam sipek tadonga anjiang eboh manyalak bakapanjangan sasudah itu tadonga lo bodia malotuih tigo kali dan kabotulan Niak Toman malam ro sadang pulang basibagak kaghumah bini’e dikampuang lombah polak atau tughun daghi ghimbo pangungsian untuak manjompuik boka jo pisau sighauik kasayangan’e. Sasudah kajadian malam ro ughang kampuang bagunjiang kokin kamai indo dilopau indo disawah jo ditopi tang ayia, gunjiang ro bahaso Niak Toman malongko sabolun sampai dighumah bini’e konai tembak dek tantaha tigo kali tapi nan wa’e ndo ba’a tido doh, sadangkan caito versi tantara baliau konai di tembak dan laghi baliak ka tongah ghimbo. sajak itu teh tasobuik lo niak toman ndo menpan konai tembak. Tontang Niak Toman insya Allah isuak kitoh pelok pulo caito tasandighi.

Adiak padusi Niak Toman nan banamo Siti Ambun Suri tapi sasudah bacucu biaso pulo  dipanggia ghang kampuang Nek Tiombun. Timpak nan daghi nek tiombun  punyo anak batigo ughang nan paliang tuo banamo Siti Harumnah, anak nan tongah banamo Siti Aminah ditambah sughang laki2 nan paliang kociak banamo Ahmad Sodiqin. Kabotulan anak2 nek tiombun olah dewasa sado alahan’e dan olah baghumah tanggo pulo atau istilah kampuang’e lah-balaki jo olah babini. Siti Harumnah jo Siti Aminah sajak kociak dipanggia ayah umak’e Tioghun samo Tiamin. Sadangkan Ahmad Sadiqin sasudah babini dipicayo mamongku jabatan sabagai Tumalin kampuang, jadi sajak itu lokek lo namo panggilan baliau Malin Sodiq.

Montunlah sanak, itoh mulai bacaghito “Utak Nyolang jo Utak Kantang” ..sasuai judul di ateh, mongko caito’e : Etek Tioghun (Siti Harumnah) punya tumpangan iduik banamo Mohidin biaso nan dipanggia Pak Guru Modin dan punyo anak banamo Adri Parman (Adi) jo Siti Syaripah (Ipah), sadangkan Etek Tiamin (Siti Aminah Sari) punyo laki pulo banamo Marah Nurdin dan punyo anak sughang tungga babeleng nan indo ba-kakak ba-radiak lai.. yang diagiah namo Johin Pahlawan. Dicoliak umua, si Adi jo si Johin ampiang sabayo sobab lahia di taun nan samo cuman balain bulan jo aghi kok tibo di badan sapinteh lalu samo godang pulo cuman beda kughuih jo badogok. Keluarga tek tioghun salamo’e sajak kociak tingga dikampuang lombah polak dek laki tek tioghun (guru modin) bakaghojo sabagai guru SD disampiang ba-sawah sakaligus jadi guru mangaji pulo di ghumah, walaupun iduik sederhana tapi anak2 wa’e si Ipah jo si Adi ghajin basikola dan codiak2 pulo alias punyo “utak nyolang”.

Lain dengan keluarga tek tioghun mako tek tiamin (ibuk Siti Aminah) sabolun tingga manotap  dikampuang ughang ro sakaluarga iduik dighantau, sobuiklah di kota Padang dek kaghono pak Marah Nurdin bakaghojo di salah satu bank swasta dan tontu agak mandapek alias kayo lo sobuak atau iduik bakacukupan walaupun pak Nurdin cuman kojo jadi kalerek di kantua. Anak nan sughang tongga babeleng banamo Johin Pahlawan olah tabiaso iduik monjo ndo katuanan – apo dimintak apo dapek jaghanglah kondak nan indo balaku, maklumlah namo’e anak samato wayang, sa-andai indo dapek nan dimintak si Johin pasti mahansik bakapanjangan.

Dunsanak, yang namo’e pangidupan jo jalan iduik manusia indo kalopeh daghi takodia jo paghuntuangan nan olah ditontuan dek Tuhan Allah Swt dan itoh sabagai umaik hanyo tingga manjalani. Malang ndo dapek dighayiah mujua ndo dapek ditulak, mujua sapanjang aghi nan malang sakijok mato.  Montun teh, sakitar taun 1998 ampiang di sado suduik jogaik dunia tamasuak di Indonesia olah tajadi kakacauan di bidang ekonomi jo pitih mamitih sampai bakalebuik nan tamusohua jo krismon (krisis moneter) sainggo banyak pagawai swasta tapaso baghonti bakaghojo dek ulah konai Pehaka. Indo pagholu dipapanjang masalah krismon, nan joleh pak Marah Nurdin tamasuak pagawai nan konai pehaka pulo sangkek itu tapi alhamdulillah moh lai mandapek uang tulak nan cukuik lumayan godang’e ditaghimo.

Lopeh maso krismon walaupun pak Marah Nurdin jadi pangangguran dek uang tulak cukuik banyak mako keluarga buk Siti masih tingga di kota padang, tapi yang namo’e pitih talotak kalau indo lai pancaghian untuak panambah tontu lamo kalamoan bisa abih lo teh nyoh punseng ndo basiso. Sungguahpun agak talambek, tapikia umua nan kabatambah tuo juo apolagi mangona maso depan si Johin anak palito ati kasayangan baduo kadughang nan baghu kolaih duo di SMP, mako bapokaik lah ibuk Siti jo pak Marah Nurdin untuak mancubo mamugo iduik baghu di kampuang buk Siti alias pulang kakampuang asa.

Aghi potang sonjo lah tibo, lopeh mugoghik sasudah makan malam baghetonglah buk Siti samo pak Nurdin batigo jo si Johin mangecek daghi ati ka ati ditimbang elok jo bughuak pindah kakampuang. malakik wakotu isya tibo alhamdulillah lah dapek kato mupokaik baduo laki bini, bak kato patatah minang juo …”bulek kato dek mupokaik – bulek ayia dek pambuluah, kok bulek olah bisa digolek-an – kok picak olah bisa dilayangkan, layia takombang angin tibo – lauik nan dalam ka di aghuang.

Sabolun mato takantuak buk siti poi kabiliak muko manulih sughek duo pucuak, sughek tatuju ka uniang Tioghun bacaghito tontang niak nak pulang abih kakampuang. Sughek kaduo kabokeh Mamak Toman baduo jo Malin Sodiq adiak kanduang, salain bacaghito tontang apak si Johin nan konai pehaka tapi dalam sughek ro bakecek-an pak Nurdin mamintak pangsiun mudo kaghono baniak iduik dikampuang, sakalian lo nak mamintak isin maunyi  umah tuo. Sajak Nek Tiombun (Siti Ambun Suri) umak buk siti jo tek tioghun maningga memang umah tuo ro umpamo ndo baunyi doh, pampaliang Niak Toman nan tidua dibiliak dokek dapua, nan 2 (duo) buah biliak lai dibagian muko salamo gho kosong tapi salalu dibaghosiahan dek si Ipah anak tek tioghun. Sadangkan tek tioghun olah mambuek umah sughang di ateh tanah sabolah umah tuo.

Niak Toman punyo anak sughang laki2 banamo Duna bagak (Adnan), sajak bini’e maningga di Mokah wakotu naiak oji baduo pulang ka umah dunsanak sobak ndo punyo anak padusi nan ka ditompang, tapi cagho dikampuang jangga nampak’e kalau masih tingga di umah bini nan olah maningga dunia.

Kampuang lombah polak talotak di legheng bukik sakitar nagori Sinuruik sabolah Tolu kacamatan talamau nan banamo bukik jonjang kambiang, tapi ontah sajak bilo bamulo sobutan bagi dunsanak di paghantauan nan baghasa daghi kacamatan talamau indo tuka baghubah apokah daghi tolu apo sinuruik jo kojai salamo gho cuman disobuik ciek namo nagori yaitu “Tolu atau Talu” dan bilo ditanyo dima kampuang asa pasti di jawab “Talu”, kalau ditanyo uhang mano pulo nan tasudah biaso dijawab “Rang Talu” atau kami urang talu.

Rami lah rami pasa rang talu – rami dek anak si urang kajai,

Dimalah hati indak ka rindu sadang disayang badan bacarai.

Satonggak jalan yo nan luruih

Babelok jalan kabatang umpai,

Ba sabab badan mangko nyo kuruih

Banyak mungkasuik nan indao sampai

Kigho2 bontuak bunyi pantun logu “Rang Talu” itu bonalah nan taghaso dek ibuk Siti Aminah (buk siti) jo pak Nurdin baduo kadughang. Sabolun pulang ka kampuang, dek pitih kacio olah sayuik tingga basiso sakadar untuak iduik 3 (tigo) bulan tontu pagholu pitih ka boka iduik tingga di kampuang. Olah dikaji untuang jo ghugi, sosa daolu pandapatan sosa kudian ndo baguno, dek lah padek paretongan ghumah ghancak sadang elok mantereng indo sobuak nan di kota padang tapaso ka di lego dijua pulo.

Rumah talotak dilubuak bagaluang

Induak somang lamo nan mamboli

Pulang kampuang di baok untuang

Mudah2an dikampuang sonang ati

Syahdan al-kisah, timpak nan daghi pado itu olah basuo ghueh dengan buku, topek katiko tibo lo maso, mako keluarga buk Siti Aminah nan batigo ughang samo laki wa’e pak Marah Nurdin saghoto anak’e si Johin pulang kakampuang hanyo lai. [Basambuang ka Bag. II]) …,

 

Jakarta, 08 Feb. 2012

Dasril Alies (siDaihpoman)

Note : Berhubung postingan cukup panjang, maka tulisan dibagi menjadi beberapa bagian [Sipangka]

 

Kecelakaan Mobil di Jalan Tol : Jilbab Telah Menyelamatkan Wajah Anak-ku

[Dropcaps]Kisah nyata ini terjadi waktu musibah kecelakaan mobil travel jenis mini bus (Isuzu-ELF) yang ditumpangi anak bungsuku di jalan TOL Cipularang Km. 112,8 arah Bandung dari Jakarta pada hari Kamis sore tanggal 3 Maret 2011 yang lalu.[/Dropcaps]

Kronologis kecelakaan bermula mobil ELF berjalan zigzak ke arah pinggir jalan sebelah kiri kemudian memutar ke arah kanan dan menabrak pembatas jalan, selanjutnya mobil tersbut terguling dengan sisi mobil sebelah kiri meluncur di atas aspal jalan tol.

Menurut penuturan anak bungsuku (sebut saja namanya Ayang) duduk pada posisi paling pinggir disebelah kiri, dia pun tertindih dua orang penumpang lain yang duduk disebelah kanannya. Bisa dibayangkan situasi yang dialaminya pada waktu kejadian kecelakaan tersebut dengan lengan dan bagian kepala sebelah kirinya menempel dan terseret di atas pecahan kaca dan aspal jalan tol (lihat Foto) terlampir.

Dengan menyebut nama-Nya “Allahu Akbar – Laa ilaha Illallahu Wallahu Akbar”, anakku tersadar dengan apa yang telah terjadi dan dia merasakan bahu sebelah kirinya terasa sakit dan tangan kirinya tidak bisa digerakkan…..”Subhanallah” pada waktu di evakuasi melalui kaca mobil dibagian belakang yang telah dipecahkan oleh relawan penyelamat, anakku hanya berpesan agar tangannya jangan dipegang dan mohon ditarik keluar dengan hanya memegang pinggang dan kakinya, tapi tangan sebelah kiri itu tetap saja tersentuh sehingga menimbulkan rasa sakit.

Dalam musibah kecelakaan yang begitu dahsyat ternyata Allah Swt masih memberi perlindungan dan kesadaran kepada anak bungsuku, setelah anakku diselamatkan dan didudukkan di pinggir jalan dia pun mohon diambilkan tas bawaannya yang tertinggal di atas mobil, kemudian anakku masih sempat mengabadikan mobil yang tergeletak di tengah jalan serta mengabarkan musibah tersebut kepada kakak perempuannya, teman kuliahnya di IT-Telkom Bandung dan Bundanya di Jakarta melalui pembicaraan lewat HP yang dimilikinya.

Kepada bundanya dia berkata : …”ayang baru saja kecelakaan mobil di jalan tol cipularang bersama rombongan keluarga yang datang dari Ipoh Malaysia”.

Dengan perasaan cemas sambil mengabarkan musibah tersebut kepada saya, Bundanya bertanya : ….”gimana keadaan ayang sekarang ???”

Anakku menjawab : …”Ayang tidak apa-apa, cuman tangan sebelah kiri terasa sakit dan tidak bisa digerakkan”

Bundanya bertanya lagi : …”Ayang sekarang ada dimana ?” …maksudnya apa masih ditempat kejadian atau sudah dibawa kerumah sakit.

Anakku menjawab : …”Ayang masih di tempat tejadinya kecelakaan di kilometer 112,8 arah ke bandung”

Dengan linangan air mata dan suara ter-isak, bundanya menjawab lagi : Iya…Iya, sabar ya nak, Bunda dan Ayah akan segera berangkat kesana sekarang juga.

Begitulah pembicaran singkat anak bungsuku dengan bundanya dan kamipun berangkat ke bandung dengan tergesa-gesa tanpa membawa pakaian untuk pengganti bersama kakaknya karena ada rencana untuk dibawa pulang dan dirawat pada salah satu rumah sakit terdekat di jakarta.

Didalam perjalanan salah seorang teman kuliahnya mengabarkan bahwa ayangtelah berada dan dirawat di RS. Cahya Kawaluyan (cabang RS Borromyus Bandung) yang terletak di Kota Baru Parahyangan – Padalarang.

Sesampai di rumah sakit tersebut kami temui ayang diruang UGD dengan infus dipergelangan tangan dan hidungnya ditemani teman2 baiknya serta sepupunya Econ (anak adik saya) dari bandung dengan kondisi lengan kiri luka tergores cukup banyak dan kepala sedikit memar.

Setelah berbicara seadanya dengan ayang, kamipun dipanggil oleh tim dokter yang menangani pertolongan pertama sambil memperlihatkan hasil rontgen tulang  dan CT Scan Kepala. Ternyata tulang bahu kiri anakku mengalami patah tulang sampai bergeser dan dempet (bertindihan) dan syukur alhamdulillah di bagian organ kepala hasilnya dinyatakan “Baik” semua dan tidak ada kelainan walaupun ada memar (bengkak) didekat telinga kiri.

Mengingat jarak rumah sakit di komplek perumahan Kota parahyangan Padalarang yang jauh dari kota Bandung dan atas kesepakatan pihak travel dan kami sekeluarga serta saran salah seorang kerabat (Ibu Baihakim) maka anak-ku hanya satu malam dirawat di RS Cahya Kawaluyan dan pelaksanaan operasi tulang bahu & perawtan dipindahkan / dirujuk ke RS. Halmahera Siaga (Khusus Bedah Tulang) di kota Bandung. Setelah menjalani perawatan pasca selama 4 (empat) hari anak bungsuku sudah boleh rawat jalan dan dibawa pulang ke rumah di jakarta dan pada hari Sabtu tgl 12 Maret 2011 kembali ke rmah sakit yang sama untuk dilakukan kontrol (pemeriksaan) pasca operasi.

Kembali kepada judul catatan ini : “JILBAB telah menyelamatkan WAJAH Anak-ku” ….., walaupun baju bagian bahu dan lengan sebelah kiri serta “jilbab” yang dipakai anakku sampai sobek ter koyak2 ternyata mukanya tidak ada terdapat goresan luka sedikitpun jua karena terlindung dan dilindungi oleh selembar Jilbab yang selalu dipakai anak-ku apabila bepergian atau keluar rumah. Allahu Akbar3x dan Subhanallah Padahal lengan kiri anak bungsuku mengalami luka2 serta tulang bahunya patah dan harus dilakukan tindakan operasi (bedah) tulang untuk penyembuhannya.

Terima kasih ya Allah yang maha pengasih dan penyayang, Engkau telah menyelamatkan nyawa anak-ku dan melindungi mukanya dari musibah kecelakaan yang dialaminya. Hanya Kepada-Mu ya Allah ya Rakhman kami memohon menadahkan tangan dan berdo’a : Semoga anak kami diberi kesembuhan dan cepat pulih kembali untuk bisa beraktivitas melanjutkan studinya  yang hanya tinggal menyelesaikan penulisan skripsi di IT-Telkom Bandung, Amin Ya Rabbal Alamin…!